Флик тер Штеген билан гаплашиб олмоқчи

"Барселона" дарвозабони Марк-Андре тер Штегеннинг келажаги ҳамон ноаниқ ва сўроқ остида қолмоқда.

Каталония клуби Жоан Гарсия учун 25 миллион евро сарфлади ва "кўк-анорранглилар" айнан шу дарвозабонни жамоанинг биринчи рақамли посбонига айлантирмоқчи.

"AS" нашрининг хабар беришича, "Барселона" бош мураббийи Ханс-Дитер Флик бу вазият бўйича дарвозабон билан гаплашиб олмоқчи. Флик июль ойида, мавсумолди тайёргарликнинг бошланишига бир неча кун қолганда тер Штеген билан учрашиб, унга вазиятни очиқчасига тушунтириши кутилмоқда.

Кейинги воқеалар суҳбат натижасига боғлиқ бўлади. Аввалроқ тер Штеген "Барселона"да қолиши ҳақида айтган эди. Унинг шартномаси 2028 йилнинг ярмигача амал қилади.