Флойд Мейвезер Америка телеканалидан 340 миллион доллар талаб қилмоқда

Бешта вазн тоифасида собиқ жаҳон чемпиони Флойд Мейвезер Американинг "Showtime" телеканалига қарши судга даъво аризаси билан мурожаат қилди. Бу ҳақда "TM3" нашри хабар бермоқда. 

Маълумотларга кўра, Мейвезер Калифорния судига "Showtime" президенти Стивен Эспиноза ёрдамида собиқ маслаҳатчиси Эл Хэймон томонидан содир этилган молиявий фирибгарлик қурбони бўлганини даъво қилган. Прокуратура маълумотларига биноан, Хэймон уларнинг узоқ муддатли ҳамкорлиги давомида тахминан 340 миллион долларни ўзлаштирган.

Таъкидлаш жоиз, суд даъвосига 2015 йил май ойида бўлиб ўтган Мэнни Пакьяога қарши жанг учун тўловнинг йўқолган қисми, шунингдек, 2017 йил август ойида бўлиб ўтган Конор Макгрегорга қарши жанг учун тўлов киритилган.