Флойд Мейвезер ёки Мэнни Пакьяо? Асадхўжа Мўйдинхўжаевдан қизиқарли танлов!

"Жанг" лойиҳасининг навбатдаги иштирокчиси жаҳон чемпиони, таниқли боксчимиз Асадхўжа Мўйдинхўжаев бўлди. У ҳафта "қаҳрамон"лари Флойд Мейвезер ва Мэнни Пакьяо ўртасида ўзининг танловини маълум қилди. 

- Иккисини ҳам ўз даврининг буюк боксчилари сифатида биламан. Бир-биридан қолишмайди. Бироқ, барибир Мейвезерда кўпроқ устунлик бор деган фикрдаман. У жуда ақилли боксчи саналадаи. Рингда бехуда ҳаракатларни амалга оширмайди. Ҳар бир жангни назорат қилади ва рақибини ўз йўлига юргиза олади. Шунинг учун ҳам у фаолиятида мағлубият аламини тотиб кўрмаган. Пакьяо ҳам ажойиб техникага эга. Аммо менинг танловим Флойд Мейвезер.