Фойдаланилмаган пенальти, қизил карточка - "Насаф" ўз майдонида "Бунёдкор"ни мағлуб эта олмади

Ўзбекистон Суперлигаси 23-турининг марказий учрашуви ниҳоясига етди. Унда томонлар 1:1 ҳисобидаги дурангга имзо чекди.

Меҳмонлар сафида Жасур Ҳакимов ҳисобни очган бўлса, иккинчи бўлим бошида Норчаев тарози паллаларини тенглаштирди. Қизиқарлиси, 90+6-дақиқада ҳакам "Бунёдкор" дарвозаси томон пенальти белгилади ва Олимжоновни майдондан четлатди. 11 метрлик нуқтадан берилган зарбани Султонов қайтарди.

Шу тариқа, очколари сонини 46 тага етказган "аждарлар" 1-ўринда қолди. 9-поғонадаги "қалдирғочлар" 28 очко жамғарган.

• Суперлига
• 23-тур

Насаф

• Хусайн Норчаев 48'

1 : 1

25/10/2022 18:30

Бунёдкор

• Жасур Ҳакимов 29'

Стадион: "Марказий" стадион. Қарши, 3227 томошабин

Бош ҳакам: Темур Тўхтасинов

Батафсил

• 90+12'
  

  Учрашув якунланди. "Насаф" ва "Бунёдкор" 1 очкодан бўлишиб олди.

• 90+11'
  

  СЕЕЕЕЕЙЙЙЙЙВВВВВВ! Суҳроб Султонов!

  Ўзидан ўнг томонга берилган зарбани дарвозабон қайтарди.

• 90+8'
  

  Музаффар Олимжонов майдондан четлатилди.

• 90+7'

  Майдонда катта жанжал бўлмоқда, футболчилар асабларини жиловлай олмаяпти.

• 90+6'
  

  Пенальти! Ҳакам дарвозага кириб кетаётган тўпни қўли билан қайтаргани учун "Бунёдкор" дарвозасига пенальти белгилади.

• 90+5'

  Жуда хавфли зарба! Марконинг уринишидан сўнг тўп устундан қайтди. Такрорий зарбага аниқлик етишмади.

• 90+4'

  Футболчилар ўзаро тортишиб кетди. Вазиятга ҳакам аралашди.

• 90+3'

  Жарима майдони яқинида "Насаф" стандарт вазиятга эга бўлди.

• 90+2'

  "Бунёдкор" ҳужумларини хавфли зарба билан якунлай олмаяпти.

• 90'
  

  Иккинчи таймга 7 дақиқа қўшилди.

• 88'

  Лиманинг бош билан йўллаган бу галги зарбасига аниқлик етишмади.

• 87'
  

  Сухроб Иззатов ўйинга қўшилди. У Францис Нарх ўрнида ҳаракат қилади.

• 86'
  

  Лиманинг зарбасидан сўнг Султонов жамоасини муқаррар голдан сақлаб қолди.

• 85'
  

  Рақибига нисбатан жиддий қўполлик ишлатган Даврон Эргашев сариқ карточкага лойиқ кўрилди.

• 84'
  

  Ойбек Бозоров ўрнига Зафармурод Абдираҳматов майдонга тушди.

• 82'

  Тошкентликлар катта куч билан олдинга ўтишга ҳаракат қиляпти.

• 80'

  Насруллаевнинг жарима майдони ичидан берган зарбасига аниқлик етишмади.

• 79'

  Тезкорлик билан қарши ҳужумга "қочган" Умид Султонов пас беришда хатога йўл қўйди, ҳужум муваффақиятсизлик билан якунланди.

• 78'

  Бердиев шогирдлари тўп назоратини қўлга олиш орқали рақибнинг шаштини сўндиришга уринмоқда.

• 76'

  Анча бурчакка кетиб қолган Лима тўпни шерикларига етказа олмади.

• 75'

  Беллашув тенг курашлар остида давом этмоқда.

• 73'
  

  Исмонали Усмоналиев майдонни тарк этди. Унинг ўрнига Умид Султонов ўйинни давом эттиради.

• 72'

  "Насаф" рақибни ярим майдонига "қамаб қўйди!"

• 71'

  Умарали Раҳмоналиевнинг ерлатиб берган зарбасидан кейин тўп устун ёнгинасидан ўтиб кетди.

• 70'

  "Қалдирғочлар" жарима майдони остонасида стандарт вазиятга эга бўлди.

• 69'

  Саитовнинг кучли зарбасидан сўнг тўп тўсин юқорисидан ўтиб кетди.

• 67'
  

  Баҳром Абдураҳимов ҳамда Шерзод Насруллаев майдонга тушди. Улар Шароф Муҳитдинов ва Ҳусаин Норчаевни алмаштирди.

• 66'

  Лима йиқилиб тушди, ҳакам ўйинни давом эттиришга рухсат берди.

• 65'

  Аксарият курашларда қаршиликлар устунлик қилмоқда, ўйин тизгини Бердиев шогирдлари қўлида бўлиб турибди.

• 64'
  

  Ҳусаин Норчаевга тиббий ёрдам кўрсатилмоқда.

• 62'

  Нарх тўпга мослаша олмади, Давронов хавфни бартараф этди.

• 60'
  

  Ҳозиргина майдонга тушган Омоналиев Ойбекни йиқитгани учун жазоланди.

• 60'
  

  Павель Могилавец ўз ўрнини Абдуллоҳ Омоналиевга бўшатиб берди.

• 59'

  Ҳакимов кераксиз вазиятда тўпни қўли билан ўйнаб, тўп йўқотилишига сабаб бўлди.

• 57'

  Лиманинг зарбасидан кейин тўп устундан қайтди, Норчаев эса бўш қолган дарвозани ишғол эта олмади.

• 56'

  Алиқуловнинг зарбаси анча ноаниқ кетди.

• 55'

  Бозоров-Норчаев комбинацияси ноаниқ пас туфайли узилиб қолди.

• 53'

  "Аждарлар" босимни давом эттирмоқда.

• 51'

  Ҳакимовнинг либосидан тортиб қолган Алиқулов сариқ карточкага лойиқ кўрилди.

• 49'

  Бўлди, гол ҳисобланди.

• 48'

  Тўхтасинов ВАРдаги ёрдамчиларидан вазиятни текширишни сўради. Офсайд қайд этилиши мумкин.

• 47'
  

  ГОООООООООЛЛЛЛЛЛ! "Аждарлар" ҳисобни тенглаштирди!

  Лиманинг қанотдан узатган тўпини Норчаев дарвозага тўғирлаб юборди.

• 47'

  Елкама-елка курашда Алибек Давронов Жасур Ҳакимовни "еб қўйди".

• 46'
  

  Иккинчи таймга старт берилди!

• 46'

  Футболчилар майдонга қайтди. Биз ҳам қайтамиз!

• 45+4'
  

  Биринчи тайм якунига етди.

• 45+3'
  

  Марконинг узоқ масофадан берган аниқ зарбасини дарвозабон қайтарди.

• 45+1'

  Ўз жойини ташлаб олдинга югуриб чиққан Эргашев рақиб футболчиси бирга-бир вазиятга чиқиб кетишига йўл қўймади.

• 45'
  

  Биринчи таймга 3 дақиқа қўшиб берилди.

• 44'
  

  Исмоналиев яқин масофадан нотўғри зарба йўллади, қулай имконият қўлдан кетмоқда.

• 43'

  Маҳамаджонов қанотда фаоллик намойиш этиб, стандарт вазият ишлаб олди.

• 41'

  Тўп назорати қаршиликларда, "Қалдирғочлар" прессинг уюштиряпти.

• 39'

  Бошкович шогирдлари тартибли ҳимояланмоқда.

• 37'
  

  "Бунёдкор" футболчиси бурчакдан тўпни тўғридан тўғри дарвозага йўллади. Эргашев тўпни қайтарди.

• 35'

  Тўпни ўзидан узоқлаштириб юборган Норчаев уни йўқотди, қулай имконият қўлдан кетди.

• 34'

  Ҳакам бир тўхтамга келди, Ҳусаин ўрнидан турди, ўйинни давом эттириш мумкин.

• 34'

  Тўхтасинов Норчаев жароҳат олган вазиятда пенальти эҳтимолини ВАРдаги шерикларидан сўрамоқда.

• 33'
  

  Ҳусаинга тиббий ёрдам керак.

• 32'
  

  Лима Крузнинг зарбасидан сўнг Султонов сейв намойиш этди.

• 31'
  

  Маҳмуд Маҳамаджоновга сариқ карточка кўрсатилди.

• 29'

  Шарофнинг зарбага ўхшаш узатмасидан сўнг Норчаев тўпни бўш қолган дарвозага тўғирлаб юбора олмади.

• 28'

  Тошкентликлар марказда рақибни кичик фоллар эвазига тўхтатяпти.

• 26'

  Ҳусаин яқин масофадан зарба берди, тўп ҳимоячилардан ўтмади.

• 25'

  Бердиев шогирдлари голга тезкор реакция билдириш мақсадида дарҳол олдинга ташланмоқда.

• 23'
  

  ГООООООООООЛЛЛЛЛЛЛ! "Бунёдкор" ҳисобни очди!

  Жасур Ҳакимовнинг ўткир бурчакдан берган зарбасини Эргашев қайтара олмади.

• 22'

  "Қалдирғочлар" жарима майдонидан узоқ бўлмаган ҳудудда стандарт вазиятга эга чиқди.

• 20'

  Саитовнинг қанотдан узатган тўпига Лима ета олмади, дарвозабон тўпни муштлари билан узоқлаштирди.

• 18'
  

  Норчаевнинг ўнг оёқда йўллаган зарбасини дарвозабон қайтарди.

• 16'

  Тўп назорати қаршиликларда. Меҳмонлар кроосларга таянмоқда.

• 14'

  Бир нечта рақиби қуршовида қолиб кетган Ҳакимов тўпни йўқотди.

• 12'
  

  Бу гал Музаффар Олимжоновга шифокорлар ёрдам кўрсатди.

• 11'

  Қаршида ёмғир ёғмоқда. Бу майдон ва ўйин сифатига ўз таъсирини кўрсатмай қолмаяпти.

• 9'
  

  Суҳроб Султоновга тиббий ёрдам кўрсатиляпти.

• 6'

  Стандарт вазиятдан комбинацион усулда фойдаланган мезбонлар ҳужумни зарба билан якунлай олмади.

• 5'
  

  Жарима майдонига яқин ҳудудда Бозоровни йиқитган Ўрозов огоҳлантирилди.

• 3'

  Кутилганидек, "аждарлар" илк дақиқалардан фаоллик намойиш этмоқда.

• 1'

  Учрашувга старт берилди!

• 0'

  Ҳакамлар ҳар икки жамоа сардорлари иштирокида расмий жараёнларни ўтказиб олди.

• 0'

  Футболчилар майдонга тушиб келди.