Франция - Португалия: Матнли трансляция

УЕФА Миллатлар Лигаси 2020/2021 йилги мавсуми А лига 1-туридан ўрин олган Франция - Португалия учрашувини ушбу саҳифа орқали матнли тарзда кузатиб боришингиз мумкин. Ўйиндаги хавфли вазиятлардан ўз вақтида хабардор бўлиб туриш учун саҳифани янгилаб туриш тавсия этилади.

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'
  

  Асосий вақтга 3 дақиқа қўшиб берилди.

• 88'
  

  Карвальо ўрнига Моутиньо, Геррейру ўрнига Канселу ва Фелиш ўрнига эса Тринкау майдонга тушди.

• 84'
  

  Мбаппе ўрнига Коман майдонга тушди.

• 83'

  Роналду ҳужумда фол ишлатди.

• 80'
  

  Фернандеш ўрнига Саншеш майдонга тушди.

• 80'
  

  Бурчак зарбаси пайтида Погба қоидани бузди.

• 79'

  Гризманнинг жаримадан узатган тўпини ҳимоячилар майдон ташқарисига чиқариб юборишди.

• 76'

  Диаш Мбаппенинг тезкор юришини бартараф этишга эришди.

• 74'
  

  Жиру ўз ўрнини Марсьялга бўшатиб берди.

• 73'
  

  Жарима зарбасидан сўнг Пепе урган гол инобатга олинмайди. Футболчи офсайдда бўлган.

• 72'

  Фелишнинг яхши позициядан йўллаган зарбаси кучсиз чиқди.

• 71'

  Погбанинг навбатдаги узатмаси ўхшамади.

• 68'

  Гризманнинг зарбаси ҳимоячиларга теккан ҳолда дарвозабонга секин етиб борди.

• 65'

  Тўп португалларда. Улар рақиб жарима майдонига йўл топа олмаяпти.

• 63'

  Жамоалар навбатма-навбат жарима майдонлари атрофида босим уюштиришмоқда.

• 61'
  

  Бернарду ўрнига Жота майдонга тушди.

• 60'

  Португаллар жарима майдонига узатган тўп ҳеч кимга насиб этмай, майдонни тарк этди.

• 58'

  Мезбонларнинг навбатдаги ҳужуми ҳам бесамар якунланди.

• 56'

  Мбаппега Гризманн узатган тўп бироз кучли кетди.

• 55'

  Погбанинг узоқ масофадан берган зарбаси ҳимоячиларга тегиб қайтди.

• 53'

  Жиру ўзига узатилган тўпга ета олмади.

• 51'

  Фелишнинг жарима майдонига узатган тўпи Льориснинг қўлларига бориб тушди.

• 47'

  Патрисиу тайм аввалида Мбаппе томонидан уюштирилган ўта хавфли юришни тўхтатиб қолди. Киллианнинг зарбаси анча хавфли чиққанди.

• 46'
  

  Иккинчи тайм бошланди.

• 45'
  

  Танаффус.

• 45+'
  

  Биринчи таймга 1 дақиқа қўшиб берилди.

• 44'

  Жиру кутилмаганда зарба йўллади. Ноаниқ.

• 44'

  Силва яна тўпни йўқотди. Бу биринчи маротаба содир бўлмаяпти.

• 43'

  Тайм сўнгида жамоалар эҳтиёткорликни янада оширишди.

• 38'

  Бернарду Силва техник хато сабаб тўпни йўқотди. Мбаппенинг қарши ҳужуми ҳам самара бермади.

• 35'

  Роналду навбатдаги имкониятни ҳам бой берди.

• 32'
  

  Мбаппенинг ўткир бурчакдан йўллаган зарбасини дарвозабон ушлаб олди. 

• 25'

  Семедунинг қанотдан ёриб кириб тепган тўпи дарвоза тўрига ён тарафдан тегди.

• 24'

  Роналдунинг дарвозага йўллаган ўта хавфли зарбасини Эрнандес энг сўнгги паллада қайтариб қолди.

• 24'

  Французлар энди ҳимояланишга мажбур бўлмоқда. 

• 21'
  

  Фернандешнинг жарима майдонига узатган тўпини французлар бир неча урунишдан сўнг, қайтариб юборишди.

• 20'

  Перрейранинг зарбаси ҳимоячилардан бирига тегиб, майдонни тарк этди.

• 17'

  Погба ҳужумда қоидани бузди. У иккинчи қаватга кўтарилишда рақибидан фойдаланди.

• 14'

  Франция тўпни кўп ушлаб турганига қарамай, ҳужумлар йўқ.

• 12'

  Бернарду Силва ўзига узатилган тўпга зарба бера олмади.

• 11'

  Португаллар ўрта даражадаги прессингни амалга оширмоқдалар. 

• 9'

  Португалиянинг қарши ҳужуми олд чизиқдагиларнинг ноаниқ ҳаракати сабаб тўхтатилди.

• 8'

  Мбаппенинг чап қанотдан олдинга ўтиб, узатган тўпи дарвозабоннинг қўлларига бориб тушди.

• 7'

  Франция тўп назоратини қўлга олди.

• 5'

  Майдон марказида тўп учун кураш кечмоқда. Фоллар ҳам учраб турибди.

• 3'
  

  Жабрланувчи Жируга майдоннинг ўзидаёқ тиббий ёрдам кўрсатилди. Ҳаммаси жойида унинг бошини боғлаб қўйишади, чоғи.

• 2'

  Диаш ўз ярим майдонида Жируга нисбатан қоидани бузди.

• 1'

  Португалия Роналду бошчилигида дастлабки сонияларданоқ олдинга бормоқда.

• 1'
  

  Ўйин бошланди.

• 0'

  Жамоалар баҳсга сўнгги руҳий тайёргарлик ишларини олиб боришмоқда.

• 0'

  Икки давлат мадҳиялари янграмоқда.

• 0'

  Жамоалар майдонга тушиб келишмоқда.

• 0'

  Ассалому алайкум. азиз футбол ихлосмандлари. Франция ва Португалия ўртасидаги куннинг энг катта қарама-қаршилиги бошланиш арафасида. Ушбу учрашувни матнли тарзда Абдулвосид Валихонов эътиборингизга ҳавола этади.