Франция, Португалия ва Германия нега

Нидерландиялик машҳур мутахассис Луи ван Гал Франция, Португалия ва Германия каби гранд терма жамоаларнинг “Евро-2020”да муваффақиятсизликка учрагани ҳақида гапирди.

“Уларнинг мураббийлари ҳеч нарсани ўзгартирмоқчи эмас. Улар футболчиларга ишонишади. Баъзан ўзимга шундай савол бераман: "Нега бу футболчилар муваффақиятга эриша олмадилар?" Чунки футболчилар ва мураббий ўртасидаги мувозанат бузилган. Мен учун булар жамоалар эмас, шунчаки шахслар тўплами”, - деди ван Гал.

Эслатиб ўтамиз, Франция, Португалия ва Германия терма жамоалари “Евро-2020”ни 1/8 финалдаёқ тарк этди. Португалия Бельгияга, Франция Швейцарияга, Германия Англияга имкониятни бой бериб қўйди.

Португалия амалдаги Европа чемпиони, Германия ва Франция сўнгги икки жаҳон чемпионати ғолиби ҳисобланади.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию