Френки де Йонг: "Месси доим менинг кумирим бўлган"

"Барселона" ярим ҳимоячиси Френки де Йонг футболдаги кумирлари ҳақидаги саволга жавоб берди.

"Лео Месси доим менинг кумирим бўлган, аммо ҳозир, умуман олганда, менда тақлид қилиш учун аниқ намуна йўқ", — деди нидерландиялик футболчи Испания ОАВларига.

Френки де Йонг 2019 йил ўртасида Амстердамнинг "Аякс" клубидан "Барселона"га кўчиб ўтган. Лионель Месси эса икки йил ўтиб каталонияликлар сафини тарк этганди. Айни пайтда 38 ёшли аргентиналик юлдуз "Интер Майами" шарафини ҳимоя қилмоқда.

Де Йонгнинг "кўк-анорранглилар" билан амалдаги шартномаси 2029 йилгача мўлжалланган. У жорий мавсумда 34 та учрашувда иштирок этиб, 1 та гол урди ва 8 та голли узатма муаллифи бўлди.