Фримпонг "Ливерпуль"нинг ҳал қилувчи ўйинлари олдидан жароҳат олди

"Ливерпуль" ҳамда Нидерландия терма жамоасининг ўнг қанот ҳимоячиси Жереми Фримпонг яна бир бор жароҳат олди.

25 ёшли футболчи Эквадорга қарши ўртоқлик учрашувининг иккинчи бўлими бошида захирадан майдонга туширилган эди. Бироқ у 58-дақиқада жароҳат сабабли мажбуран алмаштирилди.

Уйиндан кейин Нидерландия терма жамоаси бош мураббийи Роналд Куман латералнинг жароҳат олганини тасдиқлади.

Энди "Ливерпуль"ни олдинда муҳим беллашувлар кутиб турибди. 4 апрель, шанба куни жамоа Англия кубоги чорак финалида "Манчестер Сити"га қарши майдонга тушади. 8 апрель куни эса Арне Слот шогирдлари Чемпионлар лигаси чорак финалидаги илк учрашувда ПСЖ билан тўқнаш келади.

Нидерландия — Эквадор ўртасидаги ўртоқлик баҳси эса 1:1 ҳисобида дуранг билан якунланди.