Футболчи тартибни бузгани учун Чемпионлар лигасига қўйилмади

«Наполи» ҳужумчиси Ноа Ланг нега Лондоннинг «Арсенал» жамоасига қарши ўтган Чемпионлар лигаси ўйинини ўтказиб юборгани сабаби маълум бўлди. Футболчи неаполликлар рўйхатига умуман киритилмаган.

— У ўзини жамоа меъёрларига тўғри келмайдиган тарзда тутди. Лекин Ноа аллақачон жамоа олдида узр сўради, шу боис масала ёпиқ, — дея «Наполи» спорт директори Жованни Маннанинг сўзларини журналист Фабрицио Романо келтиради.

Эслатиб ўтамиз, гуруҳ босқичининг илк турида «Наполи» ўз майдонида «Арсенал»га 0:1 ҳисобида мағлуб бўлди.

Жорий мавсумда Ланг Италия А Сериясида фақат икки ўйинда майдонга тушди ва ҳали гол ҳам, голли пас ҳам қайд этмади.

«Наполи»нинг навбатдаги учрашуви 13 сентябрь куни «Болонья»га қарши бўлиб ўтади. Италия чемпионатининг тўртинчи турига тегишли ушбу баҳс Москва вақти билан соат 19:00 да старт олади.