Футболчиларнинг пулини санамайман!
Лондоннинг “Арсенал” бош мураббийи Микель Артета клубдаги футболчилар маошлари тизими ҳақидаги саволга жавоб қайтарди.
“Канонирлар” мавсумолди йиғинларидаги сўнгги ўйинда «Комо»ни пенальтилар сериясида мағлуб этди. Учрашувдан кейин Артетадан асосий таркиб футболчиларининг маошлари ўзаро деярли тенг бўлиши кераклиги ҳақида сўрашди.
- Бу масалани спорт директори Андреа Берта ва директорлар кенгашига қолдираман. Менинг вазифам – ҳар бир футболчидан максимал фойдаланиш, улар ўртасида мустаҳкам алоқа яратиш ва маошидан қатъи назар, ҳар бири ўзини жамоа учун муҳим ҳис қилишига ёрдам бериш, - деди Микель Артета.
Премьер-лиганинг амалдаги ғолиби ҳисобланган “Арсенал” 16 август, якшанба куни Англия Суперкубоги баҳсида Англия кубоги соҳиби “Манчестер Сити”га қарши майдонга тушади.
Fikrlar