Футзал. Осиё кубоги. Бугун Ўзбекистон терма жамоаси Ироқ билан ўйнайди

Бугун футзал бўйича Осиё кубоги гуруҳ босқич 2-тури доирасида Ўзбекистон терма жамоаси Ироқ билан куч синашади. Учрашув 19:00да "Бангкок арена"да старт олади. Термамиз иштирокидаги мазкур беллашувни "Спорт" канали орқали жонли тарзда томоша қилишингиз мумкин.

Учрашувини баҳрайнлик рефери Ҳусайн Али Ал-Баҳҳар бошқариб боради. Унга иккинчи ҳакам сифатида таиландлик Бенжапол Мучароенсап ёрдам беради. Учинчи ҳакам вазифаси кувайтлик Абдулазиз Ал-Саррафга топширилган бўлса, ветнамлик Труонг Куок Дунг вақтга масъул ҳакам сифатида фаолият юритади.

Маълумот учун, биринчи турда вакилларимиз 3:1 ҳисобида зафар қучган эди.