Fyodor Emelyanenko: “UFC rossiyalik chempionni ko‘rishni istamadi”

Rossiyalik mashhur jangchi Fyodor Emelyanenko hamyurti Vadim Nemkovning UFC ga nima uchun o‘tmaganini aytib berdi.

“UFC uni o‘z safiga olishni istamadi. Muzokaralar bo‘lganmi? Ha... Ammo ular: Vadim chempion bo‘lishi mumkin, lekin bizga rus chempion qiziq emas, deya javob berishdi", — dedi Emelyanenko “Ushatayka” You Tube kanaliga bergan intervyusida.

Ma’lumot uchun, Vadim Nemkov — 33 yoshda. U professional MMAdagi faoliyatini 2013 yilda boshlagan, 2017–2023 yillarda Bellator ligasida jang qilib, yarim og‘ir vazn (93 kg gacha) toifasida chempion bo‘lgan. Hozirda uning rekordida 18 ta g‘alaba va 2 ta mag‘lubiyat mavjud.