Ғалабанинг 40 йиллиги, ғижимланган банан, элитага қайтган Puma. АПЛ жамоаларининг либослари эволюцияси

Англия Премьер-лигасининг клублари янги мавсум учун янги формаларни (ҳеч бўлмаганда битта кўринишини) тақдим этишди.  Энг асосий ўзгариш – техник ҳомийлар сонинг ортгани бўлди.  Adidas (6),  Umbro (4),  Nike (3),  Puma (3),  New Balance ва Under Armour каби брендлар қаторига Kappa ва ErreA қўшилди.

Футболкаларнинг асосий қисмидан букмекерлар ўрин олмоқда.  Улар АПЛ клубларининг ярмига ҳомийлик қилишмоқда.  Фақатгина топ-клублар ва яна 3-4 та жамоа будан мустасно. Келинг, оммага тақдим этилган барча формаларни бирма-бир кўздан кечирамиз.

“Арсенал”

ruee29e758e2a

Охирги 5 та мавсумда “Арсенал”га Puma форма етказиб берган.  Бироқ эндиликда лондонликлар 1986 йилдан 1994 йилгача ҳамкорлик қилган Adidas га қайтишди ва 5 йилга мўлжалланган 300 миллионлик шартнома имзолашди.

“Арсенал”нинг янги уйчи формаси одатий қизил рангда,  учбурчак шаклли,  оқ енгли ва елкада уч чизиқли кўринишга эга.

Ташқи ўйинларда кийиладиган форма мухлисларни 90 йилларнинг бошларига олиб ўтади.  Мазкур образга 1991/92 мавсумдаги мухлислар томонидан “ғижимланган банан” номини олган форма илҳомлантирган.

“Астон Вилла”   

a villa

АПЛдаги уч йиллик танаффусдан сўнг “Астон Вилла” янги техник ҳомий – Kappa билан бирга қайтди.  Италияликлар 2012/13 мавсумдан буён АПЛ да кўринмадилар,  у пайтда улар “Фулхэм”ни кийинтирар эдилар.

 Ўтган мавсумда клуб мухлисларига маҳаллий лейбл асосчиси, жамоанинг ашаддий мухлиси, Люк Ропер бўлган Луке 1997 томонидан яратилган форма жуда ёққан эди.  Бироқ АПЛ учун клуб машҳурроқ бўлган брендни афзал кўрди.

 “Бёрнли” ва “Борнмут”

rued942cc98ba

 Иккала клуб ҳам Umbro’ни танлади.  “Борнмут” учун бу одатий ҳол бўлса-да,  “Бёрнли” 2010 йилдан бери Puma билан ҳамкорлик қилиб келар эди.  Жамоа кўксида ромб билан охирги маротаба 1980/81 мавсумида ўйнаган эди.  Клуб шунингдек асосий ҳомийсини ҳам ўзгартирди.  Эндиликда Laba360 ўрнига янги онлайн-букмекер – LoveBet ёзувли футболкалар жамоа ўйинчилари орасида “урфга киради”.  Форма тўқ қизил рангда,  оч-ҳаворанг енг ва ёқали кўринишда.

Айнан шу ранглар “Бёрнли”нинг меҳмондаги ўйинларда иштироки учун танланди,  лекин тескари кетма-кетликда.  Асосий ранг сифатида – ҳаворанг,  ҳомий ва эмблемк учун тўқ қизил ранглар танланди.

“Борнмут”нинг “уйчи” кийими доимий қизил-қора рангларда.  Қизил йўллар орасида диагонал чизиқлар ва орқадаги ёқанинг остида AFSB нинг нишонини кўриш мумкин.

 Учинчи кўриниш учун клуб томонидан асосий ранг сифатида оч-яшил,  шунингдек енг ва ёқанинг орқа қисми учун тўқ-кўк ранглар танланди.

 “Брайтон”

rueffd985db33

Nike томонидан “Брайтон”га янги уст-бош учун аввалги мавсумга қараганда кичикроқ йўллар танланди.  Кўк-оқ фонда клубга асос солинган йилни акс эттирувчи ёзув – EST 1901 эътиборни тортади.

 “Брайтон” учун иккинчи формада деталлар кам.  Тўлиқ қора фонда оқ ёзувлар ва кулранг ёқалар.  Ортиқча ҳеч нарса йўқ.

         “Вест Хэм”

rue6dd774cb39

Лондонликлар Umbro билан ҳамкорликни давом эттиришди.  Жамоанинг “уйчи” формасида ката ўзгаришлар бўлди:  Эндиликда тепа қисм ҳаворанг тус олди.  Янги форма клубнинг 1980 йилда Англия Кубогидаги ғолиблигининг 40 йиллигига бағишланди.  Ўшандан бери “Вест Хэм” ҳеч қандай ютуққа эриша олмади.

Меҳмондаги форма рангги оқ.  Унда Англия кубогининг тасвири туширилган,  шунингдек қуйидагидек ёзув ҳам:  “Вест Хэм Юнайтед” 1-0 “Арсенал”.  10 май 1980”.

         “Вулверхэмптон” ва “Кристал Пэлас”

 Бу жамоалар adidas ва Puma билан ҳамкорлик олиб боришади.  Уларнинг формалари бир сабабдан танқид остида қолган – асосий ҳомий бўлмиш букмекернинг логотипи.  Ана шундай шархлардан бири:  “агар сизнинг компаниянгиз АПЛдаги икки жамоага ҳамкорлик қила олса,  узоқдан қараса ҳам кўзга ёқимли логотип ўйлаб топишга қурби етмайдими?” Гап ManBетХ букмекер ҳақида кетмоқда.  Футболкалардаги ката ёзувлар харидорларга шунчалик ёқмайдики,  хатто айримлари бу ёзувсиз бўлган футболкаларни талаб қилишади.

ruedaee399ddd

“Бўрилар”нинг асосий формаси тўқ сариқ рангда,  ён томонларида учтадан чизиқлари мавжуд бўлиб,  ёқалари қорага бурканган.

Иккинчи кўриниш қора рангда ва сариқ диагонал чизиқлари мавжуд.  Adidas’нинг уч “ёли” эса елка қисмда жойлашган.

rue846f778c9a

7 мавсум давомида илк бор “Кристал Пэлас” эгнидан сариқ ранг йўқолди.  Унинг ўрнини 10 йиллик танаффусдан сўнг оқ ранг эгаллади.  Умуман олганда,  асосий ранглар ўша-ўша:  қизил ва кўк.

Айнан шу ранглар жамоанинг меҳмон футболкасидан ўрин эгаллаган,  асосий эътибор – қорада.

         “Лестер”

rue9945576722

Adidas “Лестер” учун анъанавий кўк рангдаги катак форма тайёрлаб берди.  Иккиламчи ранглар қаторини тилларанг ва оқ эгаллади.

Шунингдек,  клуб ўзининг икки “меҳмонлик” формалари билан ҳам улашди:  тўқ-кулранг ва тўқ-пушти.  Иккинчи форма Германия терма жамоасининг 2018 йилдаги Жаҳон чемпионатидаги устки кийимлари асосида яратилди.

         “Ливерпуль”

rued474099cf0

Боб Пэйслининг юз йиллигига бағишланган “Ливерул”нинг янги формаси ўзида тилла ва оқ рангларни мужассам этган.  Афсонавий ўйинчи ва мураббийнинг дастхати футболка ёқасининг ички қисмидан ўрин олган (унинг даврида жамоа 9 йил давомида 20 та титулни қўлга киритган,  булардан 6 та чемпионлик унвони ва 3 та Европа чемпионлар кубокларидан иборат).  Ташқи томонда “Хиллсбро” фожиаси қурбонлари хотирасига бағишланган абадий олов рамзини кўришимиз мумкин.  Умуман олганда форма тўқ қизил тусга эга.

rue8e3f4b7b97

“Ливерпул”нинг “меҳмонлик” футболкаси оқ рангда,  шунингдек ундан кулранг,  кўк ва қизил ранглар эгаллаган.  Бу формада ҳам Боб Пэйслининг дастхати бор.

         “Манчестер Cити”

ruea1a9f6d5ba

Puma 10 йил ичида “Манчестер Cити” ни Nike’дан олиб қўйди.  Нарх эса йилига 76 миллион йеврогача кўтарилди.  Бундан юқори нахр фақат “Барcелона”да – Nike билан ҳамкорлиги йилига 155 миллион еврони ташкил этади ва “Манчестер Юнайтед”да adidas билан – йилига 86 миллион евро.  Жамоанинг янги формаси оч ҳаворанг рангда бўлиб,  ундан сиёҳранг ёзув ўрин олган.  Клубнинг юбилейи муносабати билан эмблема остига махсус ёзув – “125 йил” жойлаштирилди.

Меҳмон либоси сифатида жамоа Puma’нинг пушти логотипи,  сариқ рангдаги Etihad ёзуви жойлашган қора футболкада майдонга тушишади.  Форма дизайнерини афсонавий манчестерлик клуб “The Hasienda” илҳомлантирди.  Футболка елкасидаги нақшлар тунгги клубнинг ички элементларини эслатади.

ruedf9f9593f7

Бироқ бу “Cити” нинг энг ноодатий қарори эмас.  Жамоанинг учинчи формасига назар солганида фикрлар ростдан ҳам бўлиниб кетади.  Ёрқин сариқ,  секинлик билан пуштига қўшилиб кетувчи мазкур форма мавсумнинг энг ёрқин образи номинациясининг бўлажак ғолиби дея оламиз.

         “Манчестер Юнайтед”

rue795483d4d2

МЮ ўз формасини 1999 йилги унитилм треблга бағишлади.  Футболкадан ўша машҳур чемпионлар лигасининг санаси,  енгдан эса гол урилга дақиқалар жой олган.  Эмблема қалқон ичида жойлашган бўлиб,  бунинг ҳам ўзига хос маъноси мавжуд.  Шакл жиҳатидан қалқон 1999 йилдаги форма қалқонига ўхшаб кетади.

rue2aaa45d805

Меҳмон ўйинларга мўлжалланган форма оч сариқ тусда бўлиб,  унда қора рангга аҳамият берилган.

         “Норвич”

rue1b0225cb39

Чемпионат голиблари АПЛ га 2015/16 мавсумидан бери илк бор Эрреа (Исландия терма жамоаси,  “Парма”,  “Миллуолл” нинг техник ҳомийси) билан бирга қайтди.  “Канарейка”ларга хос бўлганидек,  форма сариқ-яшил ранглардан иборат.

rue0a80dbbb21

Меҳмон сифатида ҳам жамоа кўздан четда қолмайди – италияликлар клуб учун ёрқин-сариқ логотипли,  қизил рангли комплект тайёрлаб қўйишди.

         “Ньюкасл”

rued44437450f

Puma мазкур жамоа учун етарлича босиқ,  қора-оқ ранглардан иборат форма тайёрлаб берди.  Асосий ҳомийнинг ҳаворанг логотипи эмблема фонида ажралиб туради.        

Жамоанинг меҳмонлик комплекти ёрқин тўқ-сариқ рангда бўлиб,  “Сент Жеймс Парк”нинг томлари унинг ранги ва нақшларини танлаш учун дизайнерларни илҳомлантирди.

         “Саутгемптон”

rue18b5b99957

Бу мавсумда жамоа аъзолари кенг қизил-қора йўллар билан майдонга тушишади.  Форманинг тепа қисми қора,  ёқасида эса тугмаси мавжуд.

Жамоа учун тайёрланган иккинчи комплект қора рангли,  тепа қсмида горизонтал сариқ йўлли.

         “Тоттенхэм”

rue41026b3751       

  Nike “Тоттенхэм” учун ўтган йил билан солиштирилганда анча содда дизайн яратди.  Янги футболка оқ рангда,  енг ва ёқаларида тўқ-кўк рангдан фойдаланилган.  Асосий ҳомий номи қизил рангда битилган бўлиб,  ёқанинг ички тарафига клубнинг шиори ёзиб қўйлган – То Dare is to do (Жазм қилмоқ – амалга оширмоқдир).

Айнан шу битиклар меҳмон ўйинлар учун аталган футболкада,  бироқ лотин тилида (Audere est Facere) ёзиб қўйилган.  Мазкур шиор 2016 йилгача ишлатиб келинган.  Форма тўқ-кўк рангли,  кўкрак қисмида нақш ва оқ рангда логотип жойлашган.

         “Уотфорд”

rue6da7903bd6

Аdidas “Уотфорд”нинг ўтган йилги формасидаги сариқ-қора йўллардан воз кечди.  Эндиликда жамоа учун аталган футболка икки қисмга ажралди:  ўнг томони – қора,  чап томон ва енглари – сариқ.  Контраст учун қизил рангдан ҳам фойдаланилди,  орқа томонидан эса футболка сап-сариқ.

 “Шеффилд Юнитед”

ruee3f049e08c

Бироқ бу жамоа дизайни учун adidas ёлларни сақлаб қолди.  Қизил футболка тўртта оқ ёллар билан бўлинган.   Ёқасиинг орқа томонида клубнинг лақаби ёзилган – blades (варрак?).

         “Челси”

rue58348deb9a

 “Челси”нинг Nike томонидан ишлаб чиқилган янги формаси “Стэмфорд Бриж” стадионининг ҳар хил қисмларидан илҳомланган.  Нақшлар тўқ-кўк рангда,  форманинг ўзи эса очроқ рангда.  Ички қисмида Тhe pride of London (Лондон фахри) ёзувили логотип туширилган.

 Меҳмонда “Челси” поло-ёқали,  деярли Россия байроғининг рангларини эслатадиган футболкда майдонга тушади.  Кўпчилик буни хазил тариқасида буни Роман Абрамовичга боғлашмоқда.  Аслида мазкур дизайнга мода илҳомлантирди – 60 йиллар бошидаги Лондон модаси.  Поло-кўйлаклар деярли барча мода ишқибозларининг кийим жавонидан жой олган эди.

 “Эвертон”

rue71eba11f97

Umbro ҳам “Эвертон” учун форма тайёрлашда стадиондан илҳомланди.  Футболканинг тепа қисмидаги график нақшлар “Гудисон Парк” – “Bullens Road” трибуналаридан бирининг темир каркасларини акс эттиради.

Бу ХХ асрнинг биричи ярмидаги Британиянинг энг асосий футбол архитектори Арчибалд Литчга нисбатан ҳурмат рамзидир.  1899 йилдан 1939 йилгача шотландиялик архитектор 20 дан ортиқ стадионлар проектини тузган,  улар қаторида “Олд Траффорд”,  “Стэмфорд Бриж”,  “Энфилд”,  “Гудисон Парк”,  “Айброкс”,  “Вилла Парк” ва бошқалар бор.

Фикрлар

Фикр қолдириш учун авторизациядан ўтинг!