"Галатасарай" МЮ футболчисини сотиб олмоқчи

"Манчестер Юнайтед" хавбеки Мануэль Угарте қишки трансфер ойнасида жамоани тарк этмоқчи. Бу ҳақда журналист Эрол Эвсен хабар бермоқда.

Манбанинг сўзларига кўра, "Галатасарой" Угартенинг ўйинларини диққат билан кузатиб бормоқда. Турк клуби ярим ҳимоячини ижарага олишга ёки бутунлай сотиб олишга тайёр. Угарте "Спортинг"да Рубен Аморим қўл остида ўйнаганига қарамай, мураббий унинг "Олд Траффорд"даги ўйинидан норози. Бу мавсумда 24 ёшли футболчи Англия Премьер-Лигасининг ўнта ўйинида майдонга тушди.

Маълумот учун, уругвайлик футболчининг "Манчестер Юнайтед" билан шартномаси 2029 йил июнь ойида тугайди. "Transfermarkt" портали унинг қийматини 35 миллион еврога баҳоламоқда.