Galiulin o‘ynamagan bahsda "Tosno" TsSKAdan javobsiz 6ta to‘p o‘tkazib yubordi

Kecha Rossiya premer-ligasida ham 19-tur uchrashuvlari bo‘lib o‘tdi.

Hususan, hamyurtimiz Vagiz Galiulin to‘p suradigan “Tosno” klubi Moskvada TsSKA mehmoni bo‘ldi. O‘zbekistonlik futbolchi maydonga tushmagan uchrashuvda “Tosno” raqiblaridan javobsiz 6ta gol o‘tkazib yubordi va yakunda 6:0 hisobida mag‘lubiyatga uchradi.

Ushbu mag‘lubiyatdan so‘ng “Tosno” 20 ochko bilan 13-o‘rinda qolgan bo‘lsa, TsSKA o‘z ochkolari sonini 35taga etkazib oldi va peshqadam “Lokomotiv”ga (39 ochko) yaqinlashib oldi. Biroq, yana bir hamyurtimiz Vitaliy Denisov to‘p suradigan “temiryo‘lchilar” 19-turni hali o‘tkazishmadi.

TsSKA – “Tosno” 6:0 (3:0, 3:0)

1 dekabr «TsSKA»

Gollar: 1:0 – 10, penalti Vitino, 2:0 – 27, penalti Vitino, 3:0 – 32 Vasin, 4:0 – 55 Natxo, 5:0 – 58 Golovin, 6:0 – 61 Vernblum.

TsSKA – Akinfeev, Berezutskiy, Vasin, Ignashevich, Natxo, Fernandes, Nababkin, Dzagoev (Kuchaev, 65), Golovin, Vitino (Jamaletdinov, 59), Vernblum (Gordyushenko, 77).

“Tosno” – Yurchenko, Buyvolov, Dugalich, Chernov, Shaxov, Troshechkin, Karnitskiy (Muxametshin, 63), Palienko (Nunu Rosha, 75), Markov (Kazaev, 63), Mirzov, Zabolotnyy.

Ogohlantirishlar: Zabolotnyy (60).