Кеча Россия премьер-лигасида ҳам 19-тур учрашувлари бўлиб ўтди.

Ҳусусан, ҳамюртимиз Вагиз Галиулин тўп сурадиган “Тосно” клуби Москвада ЦСКА меҳмони бўлди. Ўзбекистонлик футболчи майдонга тушмаган учрашувда “Тосно” рақибларидан жавобсиз 6та гол ўтказиб юборди ва якунда 6:0 ҳисобида мағлубиятга учради.

Ушбу мағлубиятдан сўнг “Тосно” 20 очко билан 13-ўринда қолган бўлса, ЦСКА ўз очколари сонини 35тага етказиб олди ва пешқадам “Локомотив”га (39 очко) яқинлашиб олди. Бироқ, яна бир ҳамюртимиз Виталий Денисов тўп сурадиган “темирйўлчилар” 19-турни ҳали ўтказишмади.

ЦСКА – “Тосно” 6:0 (3:0, 3:0)

1 декабрь «ЦСКА»

Голлар: 1:0 – 10, пенальти Витиньо, 2:0 – 27, пенальти Витиньо, 3:0 – 32 Васин, 4:0 – 55 Натхо, 5:0 – 58 Головин, 6:0 – 61 Вернблум.

ЦСКА – Акинфеев, Березуцкий, Васин, Игнашевич, Натхо, Фернандес, Набабкин, Дзагоев (Кучаев, 65), Головин, Витиньо (Жамалетдинов, 59), Вернблум (Гордюшенко, 77).

“Тосно” – Юрченко, Буйволов, Дугалич, Чернов, Шахов, Трошечкин, Карницкий (Мухаметшин, 63), Палиенко (Нуну Роша, 75), Марков (Казаев, 63), Мирзов, Заболотный.

Огоҳлантиришлар: Заболотный (60).