Гарначо икки ёшли ўғлини уйидан ҳайдади

«Челси» клуби футболчиси, ҳозирда «Астон Вилла» сафида ижара асосида ўйнаётган Алехандро Гарначо ўзининг собиқ турмуш ўртоғи Ева Гарсия ва уч ёшга тўлаётган ўғли Энцони уйидан чиқариб юборди.

Испаниялик Ева ижтимоий тармоқларда хонадоннинг қора-оқ суратини эълон қилди. Расмда дарвоза тўлиқ ёпиқ, унинг қаршисида эса кичик бола тургани кўриниб туради.

- Бир куни ўғлим билан бирга ҳаётимизни қайтадан қуришни бошлаган уйимиз билан хайрлашишга тўғри келишини ҳеч қачон ўйлаб ҳам кўрмаган эдим. Ҳамма нарса ўзгарганидан кейин биз айнан шу ерда икки кишилик оила сифатида илк қадамларимизни қўйган эдик. 

Шу ерда мен бошқа иложим қолмаганда кучли бўлишни ўргандим. Энди эса буюмларимизни йиғиб, бу ердан кетишимиз керак. Буни истаганимиз учун ёки шундай қарор қилганимиз учун эмас, балки бошқалар қабул қилган қарорлар ва вужудга келган шароит бу ерда қолишимизни имконсиз қилиб қўйгани учун, — деб ёзди Ева.