
Gedesh Portugaliya terma jamoasi ixtiyoriga yuborilmadi, chunki...
"Valensiya" klubi vingeri Gonsalu Gedesh bo‘lajak o‘yinlarda Portugaliya terma jamoasiga yordam bera olmaydi. Bu haqda “ko‘rshapalaklar” rasmiy sayti xabar bermoqda.
Unga ko‘ra 21 yoshli futbolchida pay cho‘zilishi yuz bergan va shu sabab u terma jamoa ixtiyoriga bora olmaydi.
Eslatib o‘tamiz, Portugaliya terma jamoasi dastlab 11 oktyabr kuni UEFA Millatlar ligasi doirasida Polshaga qarshi o‘ynasa, orada 3 kun o‘tib, ya’ni 14 oktyabr kuni Shotlandiyaga qarshi o‘rtoqlik uchrashuvi o‘tkazadi.
Fikrlar