Гол уриш бўйича Игорь Сергеевга етадигани йўқ

Хабарингиз бор, эртага Суперлиганинг 4-турида "Пахтакор" ўз майдонида "Металлург"ни қабул қилади.

Таъкидлаш лозимки, ушбу жамоаларнинг ўзаро ўйинларда энг кўп тўп киритган футболчилар рўйхатини Игорь Сергеев бошқариб турибди. Сергеев бекободликлар дарвозасини 9 марта ишғол қилган.

Бу борада, кейинги ўринларни Анвар Солиев (8 та гол) ва Сервер Жепаров (6 та гол) эгаллаб турибди.

"Металлург"га қарши ўйинларда энг кўп гол урган "Пахтакор" футболчилари:

9 - Игорь Сергеев

8 - Анвар Солиев

6 - Сервер Жепаров, Дилмурод Каримов

5 - Игорь Шквирин, Александр Гейнрих, Баҳодир Пардаев

4 - Азамат Абдураимов, Леонид Кошелев, Исмаэль Гонсалвеш, Драган Черан.