Гол уришни биз ҳам биламиз! Мбаппе Роналдунинг “даҳшатли” рекордини такрорлади

Испания чемпионатининг 17-турида Мадриднинг “Реал” жамоаси ўз майдонида “Севилья”ни қабул қилиб, рақиб устидан 2:0 ҳисобида зафар қучди ва қимматли уч очкони қўлга киритди.

Мезбонларга ғалаба келирган голларни Жуд Беллингем ва Килиан Мбаппе урди. Бу гол франциялик футболчи учун тарихий аҳамият касб этди.

Мбаппе 2025 йил ҳисобидан 59-голини урди ва бу кўрсаткич бўйича “Реал” тарихидаги рекордчи Криштиану Роналдуга етиб  олди. Португалиялик юлдуз 2013 йилда “Реал” либосида жами 29 та тўп киритган ва кўпчилик бу кўрсаткични такрорланмас рекорд сифатида қабул қилганди.

Гарчи Мбаппе ўзининг кумири бўлган Роналдунинг натижасини такрорлаган бўлса-даЮ ундан ўзиб кетолмайди. Чунки 2025 йилда “Реал” энди бошқа ўйин ўтказмайди ва қишки танаффусга чиқади.

 Мбаппе 2024 йилдан бери “Реал” шарафини ҳимоя қилиб келмоқда. Футболчининг клуб билан тузган шартномаси 2029 йилгача амал қилади. Жорий мавсумда француз футболчиси барча мусобақаларда 27 та ўйинда иштирок этиб, 30 та гол ва 4 та голли узатмани ўз ҳисобига ёздириб қўйди.