Головкиннинг мураббийи: WBC бизга тахдид қилмоқда

Ўрта вазн тоифасининг WBC, WBA Super, IBF, IBO камарлари соҳиби Геннадий Головкин мураббийи Абель Санчес Бутунжаҳон бокс уюушмаси президенти (WBC) Маурисио Сулейманнинг сўзларига ўз фикрини билдирди.

Аввалроқ, Маурисио, Головкин – Альварес қарама-қаршилигини ўтқазишни ўз олдига мақсад қилиб қўйганини айтиб ўтганди.

- Мукофот пулининг тенг тақсимланиши Геннадийнинг талабларидан биридир. WBC эса бизни жангдан маҳрум этиш билан таҳдид қилмоқда, бу нўтўғри қарор!

Албатта, мен Маурисио Сулейманни ҳурмат қиламан, бироқ у учрашувлар ташкилотчиси эмас, WBC президентидир. Геннадий кимга қарши жанг қилишини ўзи танлайди, унга юклатилган боксчи билан Гена рингга чиқмайди. Агар бу вазият бирор бир инсонни қониқтирмаса, Головкин камар учун курашдан чиқади, - дея Абельнинг сўзларидан иқтибос келтиради Boxing News нашри.

Маълумот учун, Сауль Альварес мукофот пулини ўз фойдасига 65-35% нисбатидан тақсимлашни талаб қилмоқда.