"Grand Slam Tashkent". - 60 кг вазнда Баратовга иорданиялик, Нуриллаевга молдовалик дзюдочилар рақиблик қилади, яна 2 та жангчимиз автоматик равишда кейинги босқичга чиқади

Ҳозиргина, "Grand Slam Tashkent" мусобақасининг қуръа ташлаш маросими бўлиб ўтди. -60 кггача бўлган вазн тоифасидаги спортчиларимиз ўз рақибларини билиб олди. 

Дилшодбек Баратов илк босқичда иорданиялик Билал Алмансурга қарши баҳс олиб боради. Камрон Нуриллоев молдовалик Николае Фокага қарши татамига кўтарилади. 

Ушбу вазн тоифасидаги 2 нафар вакилимиз: Шарофиддин Лутфиллаев ва Мирзоҳид Маҳаммаджонов қуръа натижасига кўра, келгуси босқичга автоматик тарзда йўл олади. Лутфиллаевнинг рақиби Савва Каракизиди (Греция) ва Артьём Коласау (Беларусь) курашида аниқланади. Мирзоҳид эса, кейинги босқичда афғонистонлик Аликозай Зелгайга қарши баҳс олиб боради.