Gvardiola de Bryune haqida: "Bu mamlakatda o‘ynagan eng buyuk yarim himoyachilardan biri"

Xabaringiz bor, bir necha daqiqa oldin belgiyalik yarim himoyachi hisoblangan Kevin de Bryune yozda "Manchester Siti"ni tark etishi e’lon qildi. Ushbu voqeaga jamoa bosh murabbiyi Xosep Gvardiola o‘z fikrlari bilan o‘rtoqlashdi.

"Oxirgi o‘n yil ichida biz bilan amalga oshirgan muvaffaqiyatlarini aytishga hojat yo‘q - uni tasavvur qilish imkonsiz edi.

Bu juda og‘ir kun, chunki bizdan bir parcha ketmoqda. Kompani, Aguero yoki David Silva ketganida, ularning hissalari ham ajoyib bo‘lgan edi. Yana ko‘p ismlar aytishim mumkin, ammo bu uchta misolni keltiraman.

Oldinda aniq 10 ta o‘yinimiz bor va umid qilamanki 11 ta ham bo‘ladi. Shu bilan birga, men ishonamanki muxlislarimiz unga juda qattiq hurmat ko‘rsatishadi.

Bu mamlakatda o‘ynagan eng buyuk yarim himoyachilardan biri - Kevin de Bryune.

Hozirda u o‘zini yaxshi his qilmoqda. Kevin bir necha og‘ir jarohatlardan so‘ng tiklanishga biroz qiynalgan edi, lekin so‘nggi kunlarda ancha yaxshi.

Uning paslari, zarbalari va barcha harakatlari har doim noyob edi. Biz so‘nggi 10 yil davomida qanday sovrin yutgan bo‘lsak - bunda uning hissasi ulkandir.

Menimcha, uni bu klubning bir qismi sifatida eslab qolamiz, uning bayonoti shundaki, klub unga butun umri davomida eshiklar ochiq ekanligini aytdi. U bu erda boshqa biror ish qilmoqchi bo‘lsa, u bu klub oilasining bir qismidir" - deya ta’rif berib o‘tdi ispaniyalik mutaxassis.

Ma’lumot o‘rnida, 33 yoshli xavbek butun faoliyati davomida "shaharliklar" safida 413 ta bellashuvda maydonga tushib, 106 ta gol va 174 ta golli uzatmaga mualliflik qilgan.