Гвардиола: "Ғалаба муҳим, лекин кубок кўтариш учун биз ҳали тайёр эмасмиз"

"Манчестер Сити" бош мураббийи Хосеп Гвардиола "Реал"га қарши сафарда 2:1 ҳисобида қўлга киритилган ғалаба ҳақида фикр билдирди.

"Биз яхшироқ ўйнашимиз мумкин эди. Бу стадионда ўйнаш жуда оғир. Беш-олти футболчимиз бу ерга биринчи марта келди. Шу боис, буғунги ғалабадан хурсанд бўлишимиз керак, айниқса очколар жиҳатидан. Энди ҳисобимизда 13 очко бор, биринчи саккизликда жой олиш ўз қўлимизда. Топ-8да якунлаш – асосий мақсадимиз. "Байер" билан ўйиндан кейин бу ерда ғалаба қозониш – ажойиб иш бўлди".

У "Реал"нинг ўйин услуби кутилмагандан фарқ қилганини таъкидлади:

"Ўйинни хато қилиш билан бошладик. Мен "Реал"ни прессинг қилади деб ўйлаган эдим, лекин улар пастроқда ўйнашди. Бу бизга қийинчилик туғдирди. Лекин натижадан қониқдик. Родриго, Винисиус, Беллингем – ажойиб футболчилар. Уларнинг тезлиги катта хавф солади. Шунинг учун олдинги чизиқда қолиб кетмаслик, ҳимояда тинимсиз ишлаш керак. Бизга етишмай турган жиҳатлар бор, уларни яхшилаш лозим". 

Гвардиола Эрлинг Холанд ҳақида ҳам тўхталиб ўтди:

"Холанднинг статистикаси ўзи ҳақида ўзи гапиради. Уни ўйинга кўпроқ жалб қилишимиз керак. Сўнгги учрашувларда у ўйиндан тушиб қолди, шундай экан, уни яна фаолроқ ишлатиш йўлини топишимиз лозим".

Шунингдек, у жамоанинг Чемпионлар лигасида ғолиблик учун ҳали тайёр эмаслигини билдирди:

"Биз ҳали тайёр эмасмиз. Бу ғалабага даъвогарликдан анча олисдамиз. Февралга келиб, янада яхши ҳолатда бўламиз", – дея таъкидлади Гвардиола.