Гвардиола "Манчестер Сити" футболчиларининг вазнини кузатишни режа қилмоқда

"Манчестер Сити" бош мураббийи Хосеп Гвардиола Рождество байрамида жамоаси футболчиларининг вазн йиғишини кузатиб боришни режалаштирмоқда.

"Улар ейишлари мумкин, лекин мен уларни назорат қилишни хоҳлайман. "Ноттингем Форест" билан 27-сана учун таркиб танлашим керак. Тасаввур қилинг, ўйинчи ҳозир жуда яхши спорт формасида, лекин уч килограмм ортиқча вазн билан қайтмоқда. У Манчестерда қолади ва Ноттингемга бормайди. Бу аниқ", - дея Гвардиоланинг сўзларини келтиради Daily Mail.

"Манчестер Сити" Англия чемпионатида 17 та ўйин ўтказиб, очколари сонини 37 тага этказиб олди ва мусобақа жадвалида 2-ўринда бормоқда. Турнирда Лондоннинг "Арсенал" клуби 39 очко билан пешқадамлик қилмоқда.