Гвардиола танлаган юлдуз сал қимматлик қиляпти

Англия Премьер-лигасида иштирок этаётган “Ноттингем Форест” ярим ҳимоячиси Эллиот Андерсон бир қатор гранд клубларнинг тинчини  бузган.

Хусусан, “Манчестер Сити” ҳам 23 ёшли футболчини асосий трансфер нишонларидан бири сифатида белгилан ва ўйинчи атрофидаги вазиятни синчковлик билан кузатиб боряпти.

Эллиотни қўлга киритиш учун “шаҳарликлар” ашаддий рақиб – “Манчестер Юнайтед”нинг рақобатини енгиб ўтиши талаб этилади.

Football Insider нашрининг хабар беришича, “ўрмончилар” ўз футболчиси учун 115 миллион евро атрофида бадал пули талаб қиляпти. Бироқ “Манчестер Сити” мавсум ўртасида бундай катта сумма сарфлашни истамаяпти. Бу Андерсоннинг қишки трансфер ойнасида “шаҳарликлар” жамоасига қўшилиш эҳтимолини камайтиради.

Футболчининг ўзи эса, инқироздан чиқишга ҳаракат қилаётган “Манчестер Юнайтед”га қараганда, ўйинини анча изга солган “Манчестер Сити”га ўтишни афзал кўрмоқда.