Гвардиоланинг шогирди “Барса”дан иш сўради

“Манчестер Сити” асосий таркибига кира олмаган Кэлвин Филиппс жамоасини ўзгартиришга тайёр.

28 ёшли футболчи икки йил муқаддам Хосеп Гвардиола жамоасига кўчиб ўтган эди. Бироқ рақобат туфайли асосий таркибдан четда қолди. Якунланган мавсумнинг иккинчи ярмида “шаҳарликлар” уни “Вест Хэм”га ижарага бериб юборганди.

Келаси мавсум ҳам Филлипсга ўйин амалиёти берилмайди. Шу боис, тажрибали футболчи ўз хизматларини “Барселона”га таклиф қилди.

Каталония клуби қишда Кэлвинга қизиқиш билдирганди. Бироқ жамоага Витор Рокенинг келиши унинг трансферини тўсиб қўйди.

Кэлвин Филлипсга Англия Премьер-лигасининг ўзидан ҳам чорловлар бор. Бироқ у Европа Чемпионлар лигасида иштирок этадиган клубга ўтмоқчи.

“Манчестер Сити” бу ўйинчини қўйиб юборишга тайёр. Улар 49 миллион еврога трансфер қилинган Кэлвин учун 30 миллион евро талаб қиляпти.