Гюндоған “Барса”нинг ўзига ва оиласига қилган муносабатига эътироз билдирди

“Манчестер Сити” сардори Илкай Гюндоған ёзда “Барселона”​  таклифини қабул қилиб, катта умидлар билан Каталонияга келган эди.

Sport.es нашрининг ёзишича, германиялик юлдуз Каталонияга келганидан кейин клубнинг унга қилган муносабатидан норози бўлган.

Манбанинг таъкидлашича, клуб мутасаддилари Гюндоғанга шаҳардан уй топиши, транспортдан фойдаланиши ва маиший масалаларни ҳал этишда умуман ёрдам бермаган.

Бунинг оқибатида Гюндоғанлар оиласи ўзларини кераксиздек ҳис қилган ва ноқулайликлар келиб чиққан.

Илкай клуб раҳбариятига бу ҳолат бўйича шикоят қилиб, футболчиларга муносабатни яхшилаш лозимлиги бўйича ўз таклифларини берди. Раҳбарият ноқулайликлар учун Гюндоғандан узр сўрагани айтилмоқда.