Гюндоган: Гвардиола бошқалар кўрмаган нарсани кўради

"Манчестер Сити"га қайтган Илкай Гюндоган дунёнинг энг яхши мураббийи деб ҳисоблайдиган Пеп Гвардиолани яна мақтади. Немис ярим ҳимоячиси испаниялик мутахассисни нега бундай ҳисоблашини тушунтирди.

"Жамоага қайта қўшилиш жуда ёқимли ва жуда осон бўлди. Чунки таркибдаги футболчиларни яхши биламан. Менга “Манчестер Сити”нинг энергияси ёқади, уларнинг кўпини соғиндим. Мен ҳудди уйга қайтгандек бўлдим ва ҳамма нарса жуда тез содир бўлди. Гвардиоланинг асосий устунлиги? Рақиблар унинг режаларини ўқий олмаслигига ишонч ҳосил қилиш учун у ҳар мавсум ўз ёндашувини ўзгартиради. У шунингдек, майда деталларгача ниҳоятда эътиборли, бошқалар кўрмаган нарсани кўради", - дея Гундўғаннинг сўзларини келтиради pianetamilan.it.