"H" гуруҳида қизиқ ҳолат рўй берди. Сўнгги турда "Бенфика" ПСЖни ортда қолдириб, гуруҳ ғолиблигини қўлга киритди

УЕФА Чемпионлар лигаси гуруҳ босқичи якунига етди. "H" гуруҳида эса қизиқарли ҳолат юз берди.

ПСЖ ва "Бенфика" очколар, киритган ҳамда ўтказиб юборилган голлар бўйича бир хил кўрсаткични қайд этди. Бу ҳолат Чемпионлар лигаси тарихида илк бор кузатилди.

Ушбу икки жамоа 6 та беллашувдан кейин 14 очко жамғарди. Шунингдек, улар рақиб дарвозасига 16 тадан тўп киритган ва ўз дарвозаларидан 7 тадан гол ўтказиб юборишган. 

Бироқ қўшича кўрсаткичлар бўйича “Бенфика” гуруҳ ғолиблигини қўлга киритди. Аниқроқ қилиб айтадиган бўлсак, улар меҳмонда киритган голлар эвазига парижликларни ортда қолдирди. ПСЖ сафарда рақиб дарвозасига 6 гол киритган бўлса, португалияликлар эса бу ишни 9 маротаба уддалашган.