Ҳамиджон Актамов: Ғолиблар муҳокама қилинмайди

Coca Cola Суперлигаси 11-туридан ўрин олган учрашувда "Металлург" ҳамда "Қизилқум" жамоалари ўзаро баҳс олиб борди. Унда навоийликлар 2:1 ҳисобидаги ғалабани қўлга киритишди. Ўйиндан кейинги матбуот анжуманида "Қизилқум" жамоаси бош менежери Ҳамиджон Актамов ўз фикрлари билан ўртоқлашди:

"Бугун яна бир қувончли кун гувоҳи бўлдик. Мухлисларимиз учун, навоийликлар учун байрам. Сабаби ғалаба қозондик. Футболчилар берган кўрсатмаларимни тўлиқ бажаришди ва ўйинни назорат қила олдик. Шогирдларим ўйиндан ўйинга мослашиб бормоқда.

Ҳозирча йигитларнинг жисмоний ҳолати яхши. Аммо зарурат туғилса, таркибдаги ёшларга ҳам кўпроқ имконият берамиз".