Ҳарри Кейн учун икки етакчи даъвогар очиқланди

«Бавария» ҳужумчиси Ҳарри Кейнга Англиянинг икки етакчи клуби жиддий қизиқиш билдирмоқда. Бу ҳақда TEAMtalk нашри хабар тарқатди.

Манбага кўра, форвардни ўз сафига қўшиб олиш ниятида бўлган жамоалар — «Манчестер Юнайтед» ва «Тоттенҳэм». Ҳозирда Кейннинг мюнхенликлар билан амалдаги шартномаси 2027 йил ёзигача мўлжалланган. Англия клублари ҳозирча трансферни келгуси мавсумлар учун режалаштираётгани айтилмоқда.

Шу билан бирга, «Бавария» раҳбарияти ҳужумчи билан янги шартнома борасида келишувга эришишга ишонмоқда ва унинг жамоада қолишини афзал вариант деб билади.

Ҳарри Кейн «Бавария» таркибида жами 147 ўйин ўтказган. У шу вақт ичида 146 та гол урган ва 33 марта голли пас берган.