Ҳасанбой Дўсматов чорак финалда ғалаба қозониб, ярим финалга йўл олди. Боксчимиз камида 50 минг долларни нақд қилди

Тошкентдаги "Ҳумо арена"да бокс бўйича эркаклар ўртасида чорак финаллар бошланмоқда.

-51 кг вазн тоифасида Ҳасанбой Дўсматов япониялик Томоя Цубоига қарши рингга кўтарилади. Жанг 14:00да бошланади.

Боксчилар рингга чиқиб келди. Ҳамюртимиз кўк формада, унинг рақиби қизил либосда ҳаракат қилади.

Биринчи раундни Ҳасанбой ўз фойдасига ҳал этди - 4:1.

Иккинчи раундда ҳам вакилимиз устунликка эришди - 3:2.

Охирги раунд япониялик боксчининг фойдасига - 2:3. Якуний ҳисоб 4:3 Ҳасанбой Дўсматов фойдасига. Ҳамюртимиз ярим финалга йўл олиш билан бирга камида бронза медалини нақд қилди. Шунингдек 50 минг долларга ҳам.