Ҳасанбой Дўсматов Европа чемпионига ҳеч қандай имкон қолдирмади!

Хабарингиз бор, айни кунларда Бирлашган Араб Амирликларининг Дубай шаҳрида эркаклар ўртасида Жаҳон чемпионати бўлиб ўтмоқда. Мусобақанинг бешинчи кунидан 4 нафар вакилимизнинг жанглари ўрин олганди.

Икки карра Олимпияда чемпионимиз Ҳасанбой Дўсматов -51 кг вазнда туркиялик Самет Гумус(2024 йилдаги Европа чемпиони)га қарши кураш олиб борди. Кутилганидек, баҳс ҳамюртимизнинг катта устунлигида кечди. Тўлиқ 3 раунддан сўнг Дўсматов ҳакамларнинг якдил қарорига кўра ғолиб, деб топилди - 5:0.

Эслатиб ўтамиз, бироздан сўнг яна бир чарм қўлқоп устамиз Хўжаназар Нортожиев ҳиндистонлик Сачинга қарши рингга кўтарилади.