Ҳайдаров: "Майдонда Аргентинадан ҳеч қандай кам жойимиз йўқ эди, фақат..."

Ўзбекистон 20 ёшлилар ўртасида бўлиб ўтаётган мундиалдан илк турда Аргентинага қарши майдонга тушиб, 2:1 ҳисобида мағлуб бўлди. Ўйиндан кейин Равшан Ҳайдаров ўз фикрлари билан ўртоқлашди. 

"Ўйин муҳлисларга ёқадиган жанговар тарзда ўтди. Вазиятлар яратиш бўйича, майдондаги курашларда рақибга муносиб қаршилик кўрсата олдик ва улардан ҳеч қандай кам жойимиз йўқ эди, фақат вазиятларни якунлаш бўйича Аргентина биздан кучлироқ экан. Мен йигитларнинг ўйинидан хурсандман ва кейинги учрашувга тайёргарликни бошлаймиз", - деди Ҳайдаров. 

Ўзбекистон мазкур мағлубиятдан кейин гуруҳда 3-ўриндан жой олди.