Ҳоланд "Манчестер Сити"ни тарк этиши мумкин. Агарда ...

Агарда "Манчестер Сити" бу мавсум Европа Чемпионлар лигасига чиқа олмаса, Эрлинг Ҳоланд жамоани тарк этиши мумкин. 
 
"El Nacional"" нашрининг маълумотига кўра, норвегиялик ҳужумчининг шартномасида шундай банд бор. Агарда клуб Европа Чемпионлар лигасига чиқа олмаса, клубни тарк этиши мумкин. 
 
Хабарингиз бор, Эрлинг бир неча кун олдин "шаҳарликлар" билан 2034 йилгача бўлган шартномасини узайтирди. 
 
Бир неча миш-мишларга кўра, Ҳоланд учун ҳозирги кунда Испаниянинг "Реал Мадрид" клуби асосий даъвогар сифатида кўрилмоқда. 
 
Маълумот ўрнида, 24 ёшли ҳужумчи жорий мавсум манчестерликлар таркибида 33 та беллашувда иштирок этиб, 25 та гол ва 2 та голли узатмага муаллифлик қилган. Унинг Тransfermarkt порталидаги нархи 200 миллион евро деб баҳоланмоқда.