Ҳужумчи шунақа бўлади! Холанд ҳеч ким қилолмаган ишни уддалади

“Манчестер Сити” ҳужумчиси Эрлинг Холанд Англия Премьер-лигасида янги рекорд соҳибига айланди.

Чемпионатнинг 11-турида “шаҳарликлар” сафарда “Брайтон”га 1:2 ҳисобида мағлуб бўлди. Учрашувда ҳисобни очган Эрлинг Холанд мағлубиятга қарамасдан, ўз номини тарихга ёздириб қўйди.

“Брайтон” дарвозасига киритилган тўп норвегиялик ҳужумчи учун Англия Премьер-лигасидаги75-гол бўлди. Холанд бу кўрсаткичга эришиш учун энг кам вақт ўйин ўтказган футболчи сифатида рекорд ўрнатди. Эрлингга 75 та гол уриш учун 77 та учрашув кифоя қилди.

Жорий мавсумнинг ўзида 24 ёшли футболчи “Манчестер Сити” таркибида Англия Премьер-лигасида 11 та учрашувда 12 та гол уришга муваффақ бўлди.