Hujumkor futbolchining "bozori qaynay" boshladi

“Leyptsig” yarim himoyachisi Dani Olmoning bu yozda ham bozori qizg‘in bo‘ladi. Bundesliga klubi ispaniyalik futbolchini ushlab qolishni uddalay olmasligi taxmin qilinmoqda.

Mundo Deportivo nashrining xabar berishicha, 26 yoshli hujumkor futbolchiga “Barselona”, “Manchester Yunayted”,  “Manchester Siti”, “Liverpul” va “Bavariya”dan jiddiy chorlovlar bo‘lyapti.

Olmoning “Leyptsig” bilan shartnomasida uni 2024 yilning yozida transfer qilish mumkinligi haqida band bor. Bu bandni aktivlashtirishni istagan klub 60 million evro miqdorida xarajat qilishi kerakligi belgilangan.

Dani Olmo aslida “Barselona” tarbiyalanuvchisi hisoblanadi. Lekin professional faoliyatini Zagrebning “Dinamo” jamoasida boshlagan va 2020 yili “Leyptsig” safidan joy olgan.