Ҳусанов, рақобатчинг чарчади!

Ўзбекистон миллий терма жамоаси аъзоси Абдуқодир Ҳусанов “Манчестер Сити” футболчи ҳисоблангани боис sports.uz портали ушбу клубга оид маълумотларни ўзбекистонлик футбол ишқибозлари эътиборига ҳавола қилишни давом эттиради.

“Манчестер Сити” бош мураббийи Хосеп Гвардиола охирги иккита трансфер ойнаси давомида таркибни тубдан янгилаганига қарамай, жамоада айрим муаммолар ҳамон давом этмоқда.

Энг катта муаммо ўнг қанот ҳимояси экани мавсум бошидаёқ маълум бўлди. Бу позицияни Хосеп Гвардиолани қониқтирадиган даражада ёпа оладиган ўйинчи Абдуқодир Ҳусанов бўлиб турибди. Бироқ 21 ёшли легионеримиз аслида марказий ҳимоячи ҳисобланади.

Энди энг кўп ўйинчи жамланган ҳимоя марказида ҳам муаммолар келиб чиқа бошлади. Бу жойда ўйнаш учун асосан Рубен Диаш, Йошко Гвардиол, Жон Стоунз ва Абдуқодир Ҳусанов даъвогар. Улар орасида Абдуқодир марказдан кўра ўнг томонда ўйнашига эҳтиёж кўпроқ.

Жон Стоунз ёши ўтиб қолган ва худди ўтган мавсумдагидек жароҳатларга мойиллиги кузатилмоқда ва тикланиш жараёни кўп вақт оляпти.

Энди Йошко Гвардиол ҳам шиддатли баҳсларга тўлиқ тайёр эмаслигини тан олди. Хорватиялик ҳимоячи жароҳатини даволатиб сафга қайтган бўлса-да, қийналаётганини маълум қилди.

- Мен тиззамдаги жароҳат туфайли узоқ вақт ўйнай олмадим. Ҳозир ҳаммаси жойида ва саломатлигим назорат остида. Шунга қарамай, кейинги пайтда кучли чарчоқни ҳис қиляпман. Бунинг сабаби мавсум олди тайёргарлигини талаб даражасида ўтай олмаганим билан боғлиқ.

Ўйинлар жуда кўп, толиқиб қолаётган бўлсамда, жамоага қўлдан келгунича ёрдам беришга ҳаракат қиляпман, - деди 23 ёшли ҳимоячи.

Йошко Гвардиолнинг марказий ўрнини Абдуқодир Ҳусанов ёпа олади. Бироқ унинг асосий вазифаси ўнг қанот ҳимоясида ўйнаш экани айтилмоқда. Гвардиолнинг ўзи ҳам ўзбек ҳимоячиси сингари универсал. Йошко ҳимоя марказидан ташқари чап қанотни мустаҳкам ушлаши мумкин.

“Манчестер Сити” бир ўйинчидан воз кечади

Хосеп Гвардиола жамоасида ўйин амалиётисиз қолиб кетаётган таянч ярим ҳимоячиси Кэлвин Филлипс қишки трансферлар ойнаси очилиши билан бошқа клубга ўтиши кутилмоқда.

Жароҳатини даволатиб, тикланиш жараёнини ўтаётган 29 ёшли футболчи асосий таркибга кириши учун “Олтин тўп” соҳиби Родри ва январда келган Нико Гонсалес билан рақобатлашишига тўғри келади. Гвардиола кўпроқ испан футболчиларига ишонч билдиряпти.

Кэлвин Филлипс эса, “Эвертон”га ўтиши мумкин. Бу клуб англиялик ярим ҳимоясига жиддий қизиқиш билдираётгани ҳақида  Football Insider нашри хабар тарқатди.

“Эвертон” Кэлвинни мавсум охирига қадар ижарага олмоқчи. “Манчестер Сити” раҳбарияти ярим ҳимоячи Гвардиола ишончини қозона олмагани учун уни қўйиб юборишга тайёр.

Кэлвин Филлипснинг манчестерликлар билан амалдаги шартномаси 2028 йилнинг 30 июнигача давом этади. Transfermarkt портали экспертлари тажрибали ярим ҳимоячини 12 миллион еврога баҳоламоқда.

Холандга тан берганман!

Англия Премьер-лигаси тўпурарлар пойгасида “Манчестер Сити” ҳужумчиси Эрлинг Холандни таъқиб қилаётган “Борнмут” футболчиси Антуан Семеньо рақобатчисининг зўрлигини тан олди.

- Холанд – биринчи рақамли тўпурар. Унинг ураётган голларини кўриб, “Бунақаси ҳаётда бўлмаса керак”, деган хаёлга боради одам. Бўй-басти, қадди-қоматини айтмайсизми?!

Бўйи баланд, жисмонан бақувват, ҳаракати тезкор ва гол уришни билади. Эрлинг ҳужумчига керакли хусусиятларнинг барчасини ўзида мужассам этган, - деди Антуан Семеньо.

АПЛнинг жорий мавсумида норвегиялик ҳужумчи ўз ҳисобига тўққизта гол ёздириб қўйди. 25 ёшли Холанд Премьер-лиганинг сентябрь ойидаги энг зўр футболчиси, деб топилди. Семеньо эса, чемпионат бошланганидан бери рақиблар дарвозасини олти маротаба ишғол қилган.

“Реал”дан “даҳшатли” трансфер: Холандни оламиз!

“Манчестер Сити”нинг Ҳусанов бўйича якуний қарори маълум бўлди

Ҳусанов машҳур футболчининг мундиалга йўлини тўсиб қўйди

Ҳусанов “даҳшатли” қурол, мураббий уни кутяпти!

ChatGPT Ҳусанов гол урган жамоага манчестерлик футболчини жойлади

Ўзбекистонда мундиални “ёндирадиган” учта футболчи бор!