Ҳусанов бу йил чемпион бўла оладими?

Англия Премьер-лигасининг жорий мавсумида чемпионлик учун кураш тобора қизғин паллага кириб бормоқда.

Opta статистика марказининг суперкомпьютери Премьер-лига жамоаларининг чемпионликка эришиш имкониятларини ҳисоблаб чиқди.

Унга кўра, мусобақа жадвалида пешқадамлик қилаётган “Ливерпуль”нинг биринчи ўринни ўзида сақлаб қолиши 85,8 фоиз аниқ бўлиб чиқди.

Иккинчи ўринда бораётган “Арсенал”нинг ливерпулликлардан ўзиб кетиш имкони 14,1 фоизга баҳоланди.

Амалдаги чемпиони “Манчестер Сити” қишда тўртта трансферни амалга оширган эди. Бироқ сунъий интеллектнинг ҳисоб-китобига кўра, Абдуқодар Ҳусанов, Нико Гонсалес, Витор Рейс ва Умар Мармуш жамоага чемпионлик унвонини сақлаб қолишга деярли ёрдам беролмайди.

Суперкомпьютер “шаҳарликлар”нинг чемпион бўлиш эҳтимоли 0,1 фоиз эканини кўрсатди.