Ҳусанов жаҳон чемпионати суперрейтингидан жой олди!

TransferRoom таҳлилий платформаси сўнгги бир йилда футболчилар қайд этган энг юқори тезлик кўрсаткичлари асосида 2026 йилги жаҳон чемпионатининг энг тезкор иштирокчилари рейтингини эълон қилди.

Рўйхатнинг биринчи поғонасини 36,7 км/соат тезлик билан Англия миллий терма жамоаси ҳужумкор футболчиси Энтон Гордон эгаллади. Мавсумни “Ньюксл”да якунлаган ва яқиндагина 80 миллион евро эвазига “Барселона”га кўчиб ўтган 25 ёшли футболчи жаҳон чемпионатидан кейин Каталонияга йўл олади.

Рейтингда иккинчи ўринга ҳеч ким кутмаган футболчи қўйилди. Ироқ миллий терма жамоаси ва “Ал-Важба” клуби ярим ҳимоячиси 22 ёшли Аҳмад Қосимнинг энг юқори тезлиги соатига 36,0 километрни ташкил қилган.

Кучли учликдан Норвегия миллий терма жамоаси ва “Манчестер Сити” ҳужумчиси Эрлинг Холанд якунлаб берди, унинг максимал тезлиги 35,6 км/соатни ташкил этди.

Рейтингнинг тўртинчи поғонаси Ўзбекистон миллий терма жамоаси ва “Манчестер Сити” марказий ҳимоячиси Абдуқодир Ҳусановга насиб этди. 22 ёшли футболчининг охирги бир йил давомида қайд этилган энг юқори тезлик кўрсаткичи соатига 35,5 километрни ташкил қилди.

2026 йилги жаҳон чемпионатидаги энг тезкор 10 футболчи:
1. Энтони Гордон (Англия), “Барселона” — 36,7 км/соат
2. Аҳмад Қосим (Ироқ), “Ал-Важба” — 36,0 км/соат
3. Эрлинг Холанд (Норвегия), “Манчестер Сити” — 35,6 км/соат
4. Абдуқодир Ҳусанов (Ўзбекистон), “Манчестер Сити” — 35,5 км/соат
5. Матиас Фернандес-Пардо (Бельгия), “Лилль” — 35,5 км/соат
6. Килиан Мбаппе (Франция), “Реал” — 35,5 км/соат
7. Педру Нету (Португалия), “Челси” — 35,5 км/соат
8. Олвету Маханья (Жанубий Африка Республикаси), “Филадельфия” — 35,4 км/соат
9. Энтони Эланга (Швеция), “Ньюкасл” — 35,4 км/соат
10. Жейкоб Шаффелберг (Канада), “Лос-Анджелес” — 35,4 км/соат.

Эслатиб ўтамиз, Ўзбекистон терма жамоасининг 2026 йилги жаҳон чемпионатидаги илк ўйини 18 июнь куни Тошкент вақти билан соат 7:00 да Колумбия миллий терма жамоасига қарши бўлиб ўтади. Учрашув Мексика пойтахтидаги афсонавий “Ацтека” (Estadio Azteca) стадионида ўтказилади.

Ўзбекистонни рақибнинг энг катта хавфидан огоҳлантиришди

Ўзбекистон – Колумбия: 18 июндаги ўйинга башорат

Файзуллаев Роналду видео мурожаат йўллаганини тасдиқлади

Колумбия бош мураббийи Ўзбекистонга қарши ўйинга қандай тайёрланаётганини айтди