Ҳусанов муҳим ўрин тутади! "Сити" спорт директори Абдуқодирга яна қандай баҳо берди?
«Манчестер Сити» спорт директори Угу Виана клуб билан амалдаги шартномасини узайтирган Ўзбекистон миллий терма жамоаси аъзоси Абдуқодир Ҳусанов фикр билдирди.
Манчестерга 2025 йилнинг 20 январида келган Абдуқодир Ҳусанов билан тузилган янги шартнома 2031 йил ёзигача мўлжаллангани клуб томонидан 25 июль куни расман эълон қилинди.
- Абдуқодир Англияга келганидан буёнги ривожидан жуда мамнунмиз ва ундан катта таассурот олдик. У қандай қилиб ёрқин, мақсадга интилувчан йигит ва ажойиб ҳимоячига айланаётганини кўриб турибмиз.
Бироқ бу фақат бошланиши эканини ҳам яхши биламиз. Унинг жисмоний ва техник кўрсаткичлари юқори, у жаҳон даражасидаги марказий ҳимоячи бўлиш учун зарур бўлган барча сифатларга эга.
У ҳали 22 ёшда, энг яхши йиллари ҳали олдинда, салоҳияти эса энди-энди тўлиқ намоён бўлмоқда.
Шу боисдан ҳам унинг «Манчестер Сити» билан янги шартнома имзолаганидан жуда хурсандмиз ва у Энцо Маресканинг келгуси йиллар учун режаларида муҳим ўрин тутади, деб умид қиламиз, — деди Уго Виана «Манчестер Сити»нинг расмий сайтига берган интервтьюсида.
Замонавий футболдаги энг зўр ҳимоячилардан бирига айланиб бораётган Абдуқодир Ҳусанов ҳам янги шартнома бўйича ўз позициясини маълум қилди.
- Манчестерга келган кундан бошлаб ҳар бир дақиқадан завқ олдим. Футболчи сифатида ўсиб бораётганимни, кўп нарсаларни ўрганаётганимни ҳис қиляпман.
Энди олдимда янги вазифа турибди – Энцо Мареска ва унинг мураббийлар штабида яхши таассурот қолдириш, жамоа таркибига мунтазам кириб бориш.
Бунга эришишга қатъий бел боғлаганман. Қўллаб-қувватлаб келаётган «Сити» мухлисларига миннатдорлик билдираман, – деган ўзбек легионери бундан кейин ҳам жамоаси энг юқори натижаларга эришиши учун қўлидан келган барча ишни қилишга тайёрлигини таъкидлади.
Фикрлар