Ҳусанов нималар қилаётганини ҳамма кўриб турибди

Англия Премьер-лигасининг навбатдаги турида “Манчестер Сити” сафар учрашувида “Ноттингем Форест” билан куч синашиб, кичик ҳисобда мағлубиятга учради.

Беллашувда давомида Абдуқодир Ҳусанов тўлиқ ўйнади ва жамоасининг энг яхши ўйинчиларидан бири бўлди.

Ҳимоя марказида ўзбек футболчиси билан бирга ҳаракат қилган Рубен Диаш ҳамкасбининг иқтидори ва маҳоратига юқори баҳо берди.

- Абдуқодир Ҳусанов ҳали анча ёш, лекин шунга қарамай, жуда зўр ўйнаяпти. Буни атрофдаги ҳамма кўриб турибди.

Мен бу галги учрашувда ҳам у жуда кучли ҳимоячи эканини ҳақиқатан яна бир ҳис қилдим, - деди Рубен Диаш.

20 январь куни “Ланс”дан “Манчестер Сити”га кўчиб ўтган Абдуқодир Ҳусанов янги жамоаси сафида барча турнирларда еттита учрашувда иштирок этиб, ўз ҳисобига битта гол ёздириб қўйди.