Ҳусанов ўйнаса, Мбаппега “нон” йўқ!

“Манчестер Сити”га 20 январда кўчиб ўтган Абдуқодир Ҳусанов янги жамоаси сафида учинчи маротаба майдонга тушди. Бу гал 20 ёшли марказий ҳимоячи Англиянинг кучли клубларидан “Ньюкасл”га қарши тўлиқ ўйнади.

Бош мураббий Хосеп Гвардиола қишда олинган тўрт нафар футболчидан учтаси – Умар Мармуш, Нико Гонсалес ва Абдуқодир Ҳусановни мунтазам ўйнатиб келмоқда. Шунингдек, испаниялик мутахассис Бразилиядан олиб келинган 18 ёшли Витор Рейсни Англия кубоги доирасидаги баҳсда 45 дақиқа синаб кўрди.

Абдуқодир Ҳусанов “Ньюкасл”га қарши ўтказилган баҳсни юқори даражада ўткази. Айни пайтда манчестерлик мухлислар клубнинг ижтимоий тармоқлардаги саҳифаларида ўзбек футболчисининг ўйинини кенг муҳокама қилмоқда.

Sports.uz портали ўзбекистонлик футбол ишқибозлари эътиборига ижтимоий тармоқларда Абдуқодир Ҳусанов ҳақида бўлаётган фикр-мулоҳазаларнинг бир қисмини ҳавола этади.

Silveranus Collins:

Ҳусанов ҳақиқатан зўр футболчи экан, жамоадан кетган Кайл Уокернинг ўрнини эгаллайди. Абдуқодир биз мухлислар меҳрини қозонди.

Jay Extrovert:

“Манчестер Сити” яна ғолиблик йўлига қайтди. Ҳусанов, Стоунз, Гвардио ҳимояда мукаммал ўйнади.

Stancy Ngwira:

Ҳусанов жамоага яхши жойлашиб олибди. “Ньюкасл”га қарши ҳамма яхши ўйнади. Балли чемпионлар!

Mhî Rêh Kûl ʚĭɞ:

Ҳусанов менга ҳам ёқди. Тўп билан яхши ишлар экан. Биринчи ўйиндаги хатосини эсдан чиқарамиз...

Ibrahim Khalil:

Ҳамма позицияларда ўйин яхши бўлди. Эдерсон порлади, Ҳусанов жуда хотиржам ва кучли ўйин кўрсатди. Гвардиола барқарор ўйнади. Мармуш эса, ўзга сайёрадан келган шекилли.

Elvis Katama:

Ҳусанов ўзига нисбатан босим бўлишига йўл қўймас экан. Буни кимдир сездими?

Тўпни узоқ ушламай, бир ҳаракат билан дарров шерикларига етказиб беряпти. Айниқса, ўзи ўйин қоидасини бузганини ҳам тан олишни истамади.

Caljosh:  

Ҳусанов бу гал анча хотиржам ўйнади. Олдинга бир неча маротаба зўр пас узатди. Бу футболчи шиддатли ва бақувват, ҳимоячилар айнан шунақа бўлиши керак. Уни Мадриддаги ўйинда ҳам кутамиз.

Kings Kodwani:

Илтимос, кейинги ўйинларда Ҳусановни яна бошланғич таркибда майдонга туширинглар!

Min James Sax:

“Реал”га қарши ўйинда Пеп Гвардиола нега Абдуқодир Ҳусановни ўйнатмасдан Рикони майдонга туширганини тушунганим йўқ.

Billy Ke:

Мадриддаги учрашувда Гвардиола Ҳусановни бошланғич таркибда ўйнатиш ҳақида ўйлаётган бўлса керак, чунки у “Ньюкасл” қарши фантастик ўйин намойиш қилди.

Paul Eric Peligro:

Абдуқодир Ҳусанов “шаҳарликлар”нинг деворига айланди, энди бўлажак баҳсда Килиан Мбаппега “нон” йўқ!

Гвадиола Ҳусановдан нега ҳайратга тушганини айтди!

Ўзбекистоннинг жаҳон чемпионатига чиқиш имконияти қандай баҳоланди?

Файзуллаев Европага кетадиган қанча ўзбек футболчиси борлигини айтди