Хёйлунн голни Роналду услубида нишонлади ва Жезушни итариб юборди

Дания терма жамоаси ҳужумчиси Расмус Хёйлунн Португалия терма жамоаси бош мураббийи Жорже Жезушга нисбатан кескин ҳаракат қилди.

2:4 ҳисобида якунланган ўйиндан сўнг Хёйлунн майдонда Жезушга яқинлашиб, қўлининг кафти билан мураббийнинг кўкрак қисмига туртди. 72 ёшли мутахассис бу вазиятга жиддий эътибор қаратмасдан, кулимсираб жавоб қайтарди.

Қизиғи шундаки, иккинчи бўлим бошида португаллар дарвозасига киритган голини Хёйлунн айнан Криштиану Роналдуга хос услубда нишонлади. Роналду яқинда мураббий билан келишмовчиликлар ортидан Португалия терма жамоасини тарк этган эди.

Криштиану Роналду билан боғлиқ можародан сўнг Португалия терма жамоаси бош мураббийи Жорже Жезуш мухлислар томонидан ҳуштакбозликка учради.