IBA жаҳон чемпионатининг соврин жамғармаси 10 миллион долларгача оширилади

Халқаро бокс ассоциацияси (IBA) президенти Умар Кремлёв промоутерлик конгрессида жаҳон чемпионатида иштирок этувчи боксчилар учун мукофот пуллари оширилишини эълон қилди.

"Биз эркаклар ўртасидаги жаҳон чемпионатининг соврин жамғармасини 8 миллион доллардан 10 миллион долларгача оширамиз. Бу тўртинчи ва бешинчи ўринларни эгаллаган спортчиларга 10 000 доллар ўрнига 30 000 доллар олиш имконини беради", - дея Кремлёвнинг сўзларини келтирди "Чемпионат.сом" сайти.

Маълумот учун, бугун жаҳон чемпионатининг финал жанглари бўлиб ўтади. Унда 6 нафар ҳамюртимиз рингга кўтарилиши белгиланган.