IBF ташкилоти Муроджон Аҳмадалиевга берган тиббий истисноси Марлон Тапалесга қарши ҳимоя жангини яна тўхтатиб қўйди

Профессионал бокснинг биринчи ярим енгил вазн тоифасида (55,3 кг) WBА ва IBF камарлари эгаси Муроджон Аҳмадалиев ва IBF йўналишида мажбурий даъвогар, филиппинлик Марлон Тапалес ўртасида ҳимоя жангига буйруқ берилган эди. IBF музокаралар олиб бориш учун ҳар иккала томонга 25 октябрга қадар муддат берганлиги ҳақида хабар берилган.

Эсингизда бўлса, Аҳмадалиев ўзининг Ронни Риосга қарши сўнгги жангида қўлидан жиддий жароҳат олган эди. Boxingscene.com сайти маълумотларига кўра, Муроджон Аҳмадалиевнинг жамоаси ташкилотга тиббий хулосаларни тақдим этган. Ушбу тақдим этилган ҳужжатлардан сўнг, IBF қоидаларига кўра Аҳмадалиевга яна қўшимча 60 кун муддат берилди ва ташкилотнинг ҳимоя жанги бўйича якуний қарори ушбу муддатдан сўнг эълон қилинадиган бўлди.

Фикрлар

Фикр қолдириш учун авторизациядан ўтинг!