Ибрагимовичнинг жароҳати жиддий бўлиб чиқди
“Милан” ҳужумчиси Златан Ибрагимовичнинг олган жароҳати кутилганидан жиддий бўлиб чиқди.
La Gazzetta dello Sport нашри тарқатган хабарга қараганда, швециялик футболчи 9 февраль куни “Лацио”га қарши бўладиган Италия кубоги чорак финал баҳси ҳамда 13 февраль куни А Сериянинг 25-туридан ўрин олган “Сампдория”га қарши ўйинларни ўтказиб юборади.
Эслатиб ўтамиз, Златан ўтган ой “Ювентус”га қарши бўлган баҳсда жароҳат олган эди. Шу сабабли у “Интер”га қарши дербини ҳам ўтказиб юборди.
Ибрагимович жорий мавсум “Милан” сафида 19 та ўйинда майдонга тушди ва 8 та гол урди ҳамда 2 та голли узатмани амалга оширди.
Фикрлар