Игуаин яна "Ювентус"га қайтади

Аргентиналик ҳужумчиси Гонсало Игуаин ўзининг келажак фаолияти борасида муҳим қарорга келди.

Tuttosport нашрининг маълум қилишича 31 ёшли футболчи яна "Ювентус"га қайтмоқчи.

У “кекса синьора” сафида Криштиану Роналду билан бирга ўйнамоқчи. Қайд этиш лозимки, Игуаин ва Роналду ўз вақтида “Реал” Мадридда бирга тўр суришган.

Эслатиб ўтамиз, Игуаин мавсумни ижара асосида “Милан”да бошлаган эди, давралар оралиғида эса “Челси” сафига кўчиб ўтди. Аммо, уларнинг ҳеч бирида ўзини кўрсата олмади.