Икки ҳафта олдин "Дордой" билан шартнома тузган Шипилов келишувни бекор қилди

Қирғизистоннинг “Дордой” футбол клуби Андрей Шипилов билан тузилган шартномани икки томон ўртасидаги келишувга кўра, бекор қилгани ҳақида хабар тарқатди.

22 ёшли ҳимоячи бу клубга икки ҳафта олдин қўшилган бўлиб, унинг таркибида иккита расмий учрашувда майдонга тушишга ҳам улгурганди.

Унинг нима учун Қирғизистон клубини бу қадар тезда тарк этишининг сабаби ҳозирча маълум эмас. Ўз навбатида “Дордой” клуби раҳбарияти Андрей Шипиловга кейинги фаолиятида омад ёр бўлишини тилаб қолади.