Инфантино Дональд Трамп ҳақида нималар деди?

ФИФА раҳбари Жанни Инфантино ЖЧ-2026 қуръа ташлаш маросими вақтида АҚШ президенти Дональд Трампга Тинчлик мукофоти топширилишига изоҳ берди.

"АҚШ президенти Доналд Трампга буюк етакчилиги ва ҳаракатлари туфлайди бутун дунёда тинчлик ҳамда бирдамлик йўлида кўрсатган садоқати сабаб, ФИФАнинг биринчи Тинчлик мукофотини топшириш менга шараф. Футбол тинчлик, бирдамлик ва хотиржамликни ифодалайди. Биз АҚШ президентининг бутун дунёда тинчлик ва бирдамликни илгари суриш йўлидаги ажойиб ҳаракатларини эътироф этамиз. Муҳтарам президентга барча ишлари учун миннатдорчилик билдираман", - деди Инфантино.

Эслатиб ўтамиз, кеча тунда Жаҳон чемпионатига қуръа ташлаш маросимида Доналд Трампга Тинчлик мукофоти топширилган эди.